Бүгүн олунньу 15 күнүгэр Курбуһахтааҕы врачебнай амбулатория уонна 5 нүөмэрдээх баһаарынай чаас холбоһуктаах «Уруйдуубут Улуу Кыайыыны!» нэһилиэк тэрилтэлэрин икки ардыларыгар ыытылла турар фестиваль чэрчитинэн кэнсиэрдэрин көрдөрдүлэр. Үлэлии сылдьар коллектив үлэһиттэрин таһынан, билигин бочуоттаах сынньалаҥҥа олорор, араас кэмнэргэ үлэлээбит ветеран үлэһиттэрэ көхтөөх кыттыыны ыллылар.