Записи в рубрике Uncategorized
Бэс ыйын 21 күнүгэр Курбуһах нэһилиэгэр Култуура сылыгар аналлаах ыһыахха биллиилээх ведущий, тамада, блогер Ньюргуша кэлэн шоу программатынан дьону сэргэхситэн барда. Түгэнинэн туһанан Курбуьахтааҕы дом интернат коллективыгар, салайааччы Местникова М.В. истиҥ махталбытын тиэрдэбит. Балаҕаҥҥа хонон өрөөн бардылар. Махтал!
Культура сылыгар аналлаах Курбуһах нэһилиэгэр ыытыллыбыт ыһыахха биир дойдулаахпыт Курбуһах нэһилиэгэр 50 сыл устата араас хаһаайыстыбаннай, Сэбиэскэй, партийнай салайар үлэгэ үлэлээбит, Саха өрөспүүбүлүкэтин норуотун хаһаайыстыбатын үтүөлээх үлэһитэ, Бочуот знага орден кавалера Уус-Алдан улууһун, Курбуһах нэһилиэгин бочуоттаах олохтооҕо Петр Николаевич Аммосов ахтыытыгар олоҕуран нэһилиэккэ кулууп дьиэтин историятын көрдөрөр «Нэһилиэккэ култуура сайдыыта» дьүһүйүү туруорулунна. Дьүһүйүүгэ «Сандал» сынньалаҥ киин үлэһиттэрэ уонна нэһилиэк самодеятельноһын актыыбынай кыттыылаахтара кытыннылар. Кыттыбыт дьоммутугар истиҥ махталбытын тиэрдэбит!
«Үрдүкү Айыыларга сүгүрүйүү» — Үрүҥ Тунах ыһыах сиэрэ-туома. Алгыһы түһэрдэ СӨ норуотун хаһаайыстыбатын үтүөлээх үлэһитэ, Уус-Алдан улууһун уонна Курбуһах нэһилиэгин бочуоттаах олохтооҕо, В.А.Кондаков аатынан норуот эмчиттэрин ассоциациятын алгысчыта Костромин Николай Николаевич
Ыһыах күн 16:00 чаастан «Ыллаа, үнкүүлээ ыһыах түһүлгэтэ» култуура, уус-уран самодеятельность бастыҥнарын кэнсиэрэ буолан ааста.
Ыам ыйын 20 күнүгэр Пионерия уонна Сайылык күнүн бэлиэтиир тэрээһиннэр иһинэн. Окоемовка бөһүөлэгин урукку пионердара уонна эдэр ыччаттар мустан «Сурт кэриэстээх, алаас ааттаах» экспедициябыт ыытылынна. Уопсайа тэрээһиннэ 33 киһи кыттыыны ылла 1 тохтобул: Кыталыкы. Местников В.П. сайылыга (экскурсовод Ховрова М.П) 2 тохтобул: Буом. Бырааттыы оҕуруоччут Цойдар ( экскурсовод Аммосов Е.М, Местникова М.А.) 3 тохтобул: Социалистическай үлэ Героя Бурцева Е.И. төрөөбүт сирэ.(экскурсовод Местникова Л.П.) 4 тохтобул. Нэлэгэр сайылык. Аҕа дойду сэриитигэр барбыттарга аналлаах пааматынньык. Сибэкки ууруута. Олус элбэҕи биллибит. Экскурсоводтарбытыгар сэргэх кэпсээҥҥит иһин махтал массыынанан илдьибит, аҕалбыт дьоммутугар барҕа баһыыба! Итии аһынан маанылаабыт дьоммутугар, хаартыскаҕа , видеоҕа түһэрэн бу күнү уйэтиппит ыччаттарбытыгар баһыыбалыыбыт, бары учугэйи баҕарабыт! П.П.Местников аатынан Окоемовкатааҕы «Алгыс» культурнай спортивнай киин
Улуу Кыайыы 81 сылын, өлбөт-сүппэт үтүө өйдөбүл Өрөгөй күнүн Балаҕаннаах олохтоохторо үрдүк тэрээһиннээхтик көрүстүлэр. Ол курдук Албан Ааттаахтар памятниктарыгар 8-с чыыһылаҕа субботниктаан школа-сад территорияларын коллектив ыраастаан, хомуйан, оформлениетын оӈорон көхтөөх субботник буолла. 9-ка төһө да тымныы тыаллаах да буоллар памятникпыт кыһыл былаахтара тэлээрэллэрин көрөн бу күн аҕа көлүөнэ дьоммут ситиспит улуу кыайыыларын кэриэстиир, ахтан-санаан ааһар уонна эйэни баҕарар ураты суолталаах күммүт буоларынан сүргэ көтөҕүллэн бырааһынньыкка муһуннубут. Оскуола таһыттан ырыа доҕуһуолланан памятникка тиийдибит. Тэрээһини культура үлэһитэОконешникова Е. Г. хоһоонунан, сибэкки ууруутунан саҕаланна. Балаҕаннаах дьаһалтатын салайааччыта Саввинова Екатерина Гаврильевна эҕэрдэлээтэ уонна Анал Байыаннай Операция кыттыылааҕар, билигин отпускаҕа кэлэ сылдьар киэн туттар ыччаппытыгар Алексеев Рустам Валерьевичка награждениетын туттарда. Школа-сад директора Алексеева Ньургуйаана Павловна коллектив аатыттан СВО кыттыылаахтарын дьиэ кэргэттэригэр Махтал суругун уонна подарогын туттарда. Школа оҕолорун байыаннай ырыаларынан попурри Екатерина Саввинова, Иван Оконешников ,,Синий платочек» үӈкүүлэрэ олохтоохтор ытыстарын тыаһынан доҕуһуолланна.
Улуу Кыайыы 81 сылын көрсө Уус-Күөлүн бөһүөлэгэр БАЙЫАННАЙ КОЛОННАЛАРЫНАН КЫАЙЫЫ ПАРАДА үрдүк таһымнаахтык ааста. Нэһилиэккэ үлэлээн олорор тэрилтэлэр бука бары колонналарын оҥостон симэнэн кэлбиттэрэ парады киэргэттэ. Парад кэннэ сүгүрүйүү уонна венок-гирлянда ууруу торжественнай митинг буолла. Митинг кэннэ Улуу Кыайыы 81 сылыгар аналлаах бырааһынньыктааҕы тэрээһин салҕыы оҕо былаһааккататыгар ыытылынна: Тэрилтэлэр бырааһынньыктааҕы эҕэрдэлэрэ, Полевой кухня, Тэрилтэлэр икки ардыларыгар салгын саанан ытыы күрэҕэ буолла. Тэрилтэлэр икки ардыларыгар байыаннай колоннаҕа «Бастыҥ транспарант» уонна «Бастыҥ байыаннай форма» күрэх биллэриллибитэ. Бу күрэххэ «бастыҥ транспарант» индом коллектива буолла, «бастыҥ байыаннай форма» балыыһа коллектива ылары ситистэ. «Кыырай эйэ холууба, уруйдан Улуу Кыайыы» нэһилиэк ветераннарыгар аналлаах бырааһынньыктааҕы эбиэт «Сандал СК» ыытылынна. Нэһилиэкпит тэрилтэлэрэ, дьоно-сэргэтэ, ытыктабыллаах ветераннарбыт Улуу Кыайыы күнүн көрсөр тэрээһиннэргэ көхтөөхтүк кыттыбыттара сүргэбитин көтөхтө.
Ыам ыйын 8 күнугэр Киэһэ: 19:00 чаастан «Дойдубунан киэн туттабын!» анал байыаннай дьайыыга сылдьар биир дойдулаахтарбытыгар анаан акция-концерт. Акция концерт кэннэ Кыайыы пааматынньыгар «Өйдөбүнньүк чумэчи» ууруута буолла. Кыайыы 81 сылынан Аан дойдутааҕы акцияҕа кыттыһан кыайыыны уһансыбыт, тыылга үлэлээбит биир дойдулаахтарбыт сырдык ааттарыгар өйдөбүнньүк чүмэчини ууруу буолла. Бары мустан акцияҕа кыттыһан чүмэчинэн «ПОБЕДА» диэн сурук таһаардыбыт. КИМ ДА УМНУЛЛУБАТ! ТУОХ ДА УМНУЛЛУБАТ!
Ыам ыйын 8 күнүгэр, киэһэ 21:00 чаастан, сквер пааматынньыкка ытык «Умнуллубат уот» кэриэстэбил киэһэтэ буолан ааста. Бу кэмҥэ биһиги Курбуһах нэһилиэгиттэн Аҕа дойду Улуу сэриитигэр кыттыыны ылбыт фронтовик эһэлэрбитин, аҕаларбытын, убайдарбытын уонна тыыл ыарахан үлэтигэр Кыайыыны уһансыбыт биир дойдулаахтарбытын ахтан-санаан, кинилэр кэриэстэригэр чүмэчи уматыытын сиэрин-туомун толордубут. Бу ытык түгэн Улуу Кыайыыны уһансыбыт дьоруойдарбыт ааттарын үйэтитэргэ, кэлэр көлүөнэҕэ тиэрдэргэ улахан суолталааҕын өссө төгүл көрдөрдө. Кинилэр хорсун быһыылара уонна өлбөт үлэлэрэ биһиги сүрэхпитигэр өрүү тыыннаах буолуоҕа. Ким да умнуллубат, туох да умнуллубат!
МУНИЦИПАЛЬНОЕ БЮДЖЕТНОЕ УЧРЕЖДЕНИЕ "УС-КЮЕЛЬСКИЙ ЦЕНТР ДОСУГА "САНДАЛ" МУНИЦИПАЛЬНОГО ОБРАЗОВАНИЯ "КУРБУСАХСКИЙ НАСЛЕГ"
ВАМ У НАС ПОНРАВИЛОСЬ?
Чтобы оценить УСЛОВИЯ предоставления услуг наведите камеру Вашего телефона и сканируйте QR-код.
Перейдя по ссылке Вы сможете:
• оценить условия оказания услуг:
Комфорт и санитарно-гигиеническое состояние помещений Доброжелательность и вежливость работников
Легкость получения информации о работе организации и ее точность
Легкость записи для получения услуги и своевременность ее оказания
Доступность для инвалидов
• оставить свое обращение,
Ваша оценка поможет нам стать лучше и убедиться, что все хорошо!