Архив за 10 мая 2026
Ыам ыйын 8 күнугэр Киэһэ: 19:00 чаастан «Дойдубунан киэн туттабын!» анал байыаннай дьайыыга сылдьар биир дойдулаахтарбытыгар анаан акция-концерт. Акция концерт кэннэ Кыайыы пааматынньыгар «Өйдөбүнньүк чумэчи» ууруута буолла. Кыайыы 81 сылынан Аан дойдутааҕы акцияҕа кыттыһан кыайыыны уһансыбыт, тыылга үлэлээбит биир дойдулаахтарбыт сырдык ааттарыгар өйдөбүнньүк чүмэчини ууруу буолла. Бары мустан акцияҕа кыттыһан чүмэчинэн «ПОБЕДА» диэн сурук таһаардыбыт. КИМ ДА УМНУЛЛУБАТ! ТУОХ ДА УМНУЛЛУБАТ!
Ыам ыйын 8 күнүгэр, киэһэ 21:00 чаастан, сквер пааматынньыкка ытык «Умнуллубат уот» кэриэстэбил киэһэтэ буолан ааста. Бу кэмҥэ биһиги Курбуһах нэһилиэгиттэн Аҕа дойду Улуу сэриитигэр кыттыыны ылбыт фронтовик эһэлэрбитин, аҕаларбытын, убайдарбытын уонна тыыл ыарахан үлэтигэр Кыайыыны уһансыбыт биир дойдулаахтарбытын ахтан-санаан, кинилэр кэриэстэригэр чүмэчи уматыытын сиэрин-туомун толордубут. Бу ытык түгэн Улуу Кыайыыны уһансыбыт дьоруойдарбыт ааттарын үйэтитэргэ, кэлэр көлүөнэҕэ тиэрдэргэ улахан суолталааҕын өссө төгүл көрдөрдө. Кинилэр хорсун быһыылара уонна өлбөт үлэлэрэ биһиги сүрэхпитигэр өрүү тыыннаах буолуоҕа. Ким да умнуллубат, туох да умнуллубат!
Бүгүн Окоемовка бөһүөлэгэр, ыам ыйын 9 күнүгэр, күүтүүлээх, кэтэһиилээх Улуу Бырааһынньыкпыт – Өрөгөйдөөх Кыайыы күнүгэр анаммыт тэрээһиннэрбит ситиһиилээхтик буолан аастылар. Сарсыарда 11:00 чаастан Улуу Кыайыы 81 сылын көрсө бөһүөлэкпит олохтоохторун бырааһынньыктааҕы парааттара, «Өлбөт тыыннаах полк» акцията үрдүк таһымнаахтык ыытылынна. Онтон 12:00 чаастан бырааһынньыктааҕы үөрүүлээх миитин буолла. Кыайыы Знамятын үөрүүлээх киллэриитэ, Окоемовка бөһүөлэгин тэрилтэлэрин эҕэрдэлэрэ, сэрии кэмин оҕолоругар фронтовой продуктовай пакеттары туттарыы, Гирлянда ууруута, кэриэстэбил мүнүүтэтэ ыытылынна уонна Өрөгөйдөөх «День Победы» ырыа күргүөмүнэн ылланна. Н.Н.Окоемов уулуссатыгар «Кыайыы эстафетата» сэргэхтик ааста. Эстафета түмүгүнэн: 1 миэстэни — Дегтярев Ф.А. хамаандата ылла, 2 миэстэни — Ховров Н.К. хамаандата ылла, 3 миэстэни — Дегтярев А.В. хамаандата ылан наҕараадаланнылар. Кыайыылаах хамаандалары ис сүрэхтэн эҕэрдэлиибит! Улуу Кыайыы Өрөгөйдөөх 81 сылыгар анаммыт күрэхтэһии бары кыттыылаахтара өйдөбүнньүк мэдээллэринэн наҕараадаланнылар. Бу күн бары биир сомоҕо буолан, дьоруойдарбыт хорсун быһыыларын ахтан-санаан, кинилэр ааттарын үйэтиттибит. Кэлэр көлүөнэбит өрүү кэриэстии, киэн тутта сылдьыаҕа. Ким да умнуллубат, туох да умнуллубат!
МУНИЦИПАЛЬНОЕ БЮДЖЕТНОЕ УЧРЕЖДЕНИЕ "УС-КЮЕЛЬСКИЙ ЦЕНТР ДОСУГА "САНДАЛ" МУНИЦИПАЛЬНОГО ОБРАЗОВАНИЯ "КУРБУСАХСКИЙ НАСЛЕГ"
ВАМ У НАС ПОНРАВИЛОСЬ?
Чтобы оценить УСЛОВИЯ предоставления услуг наведите камеру Вашего телефона и сканируйте QR-код.
Перейдя по ссылке Вы сможете:
• оценить условия оказания услуг:
Комфорт и санитарно-гигиеническое состояние помещений Доброжелательность и вежливость работников
Легкость получения информации о работе организации и ее точность
Легкость записи для получения услуги и своевременность ее оказания
Доступность для инвалидов
• оставить свое обращение,
Ваша оценка поможет нам стать лучше и убедиться, что все хорошо!